Thursday, May 8, 2014

සොහොන් මලෙක..!


-

දැවමුවා සෙල්මුවා හදවත්
අතර තාමත් නොවී හිතවත්
දරනවා මල් උනත් පැහැපත්
නොවේ ඵල ඉන් ලැබුනු කාටත්

හෙමින් අතගා සුසානෙක බිම
මදක් අතගා ගැලූ සායම
තාම ඉකිබිඳිනවා මැදියම
මලක් තනියම ඒ සුසානෙම

ගැලූ ඕජස් පෝමලින් සැර
වසා වනසා පොහොර කර නිර
එසේ දුඟදක් මෙසේ මගහැර
කවුරු මැව්වද දුකක් මල් කර

විටින් විට එසවෙනා අතු හිස්
සෙමෙන් පිරිමැද නොදී පෙම් බස්
යලි යලිත් සිහි කරයි දිවස‍ෙස්
මලෙක යුතුකම මෙයයි අනුහස්...

1 comment:

  1. අද ආවෙ මචන් මේ පැත්තට ඉස්සරෝම. ලස්සනයි කවි පන්තිය.

    ReplyDelete

අදහසක් දැක්වීමට යොදවන්නේ ඔබේ කාලයයි,ඔබ ලියනා දේ හා එහි වටිනාකම ගැන පළමුව සිතන්න,...,