වැලි ගොඩ දාන තැන...!!

දිය වැල් දෙකක් මැද
පුතු තබා නළවන
එකම එක සුලියක්
තාම ඇත ඒ සිඟිති ඉහ මත...,

ආපසු හැරෙන හැම
මොහොතෙම එසෙද නොබලම
කිමිදුණි අදත් හැම
දවසම වගේ දිය යට,

මරු සිටින තැන එතනය
වපරැස් හොරෙන් හරවන
දැක්කත් බිම බලාගෙන
මවන්නේ පුතු මුහුනමය,

දරදඬු පිරිමි පපුවට
බයේ මරණය හොයාගිය
උඹේ අම්මා ගිළුණු තැන
අන්න එතනයි - වැලි පිරෙන තැන,

දිය යට ගිලෙන හැම විට
හිස් වැලි කූඩ අරගෙන
පුරවා හෙමින් ඔසවන
තාම දිය යට ඈත් දිරි දෙත..!!