වදකාගාරයේ ගබ්සාව.

සිම්බේ එ කුස රජයේ සපත්තුව
විප්ලව නොකල මුත් හිමි කොට ගත් නිසාය ඔහු
කුස දැරූ හින්දාය දරු ඔහු,
ගබ් දියව කලවා දිගට
හතර රියනක් නොපතාම
සිප ගත්තේ මහ පොළව,
අයිතිය පතා යම් දිනක එ බිම-යලි උපදින්නනම්,
වදකාගාරය ප්‍රසූතාගාරය වූවාව කම් නැත
නුඹ විප්ලව කරනවානම්, ගලා යන්නටම ඉඩ දෙමි,
පොලෝ ගැබ ඔබ මොබ, රිසි ලෙසක,
සිඳී යන්නටම ඉඩ දෙමි, ඒ පොලෝ ගැබ තුල
දියසෙන් නොවුනාට කම් නැත
රත් පැහැ සළු පිළි අතර,අසිපතක් වේ නම්
උපදිනු දෙබෑකර මේ රළු පොළව...!!